Langsung ke konten utama

ARTIKEL JAJANAN TRADHISIONAL SUNDUK URUT

Gambar
Oleh

                       Jajanan Tradisional: Sunduk Urut

Saiki akeh para remaja sing wis arang ngerti lan kenal karo jajanan tradhisional. Jajanan ndesa kayata jemblem, pethola, lepet, rukuk-rukuk, berubi, nganti sunduk urut saya suwe saya dilalekaké. Kamangka, jajanan iki nduwèni rasa khas lan cara gawe sing unik banget.

Sunduk urut iku jajanan tradhisional saka pohong sing disajèkaké kanthi cara disunduk utawa ditusuk nganggo sada utawa sunduk sate. Jenengé “urut” amarga nalika mangan kudu diurut saka pucuk nganti entek.

Bahan lan Cara Nggawe

Nggawe sunduk urut sejatine ora angel, mung wae butuh tenaga luwih kanggo marut pohonge. Mangkene carane:

1.  Ngolah Pohong

o    Pisanan, pohong dionceki lan diumbah resik.

o    Sawisé iku ditus supaya banyune ora katut kaolah.

o    Pohong banjur diparut nganggo parut biyasa utawa mesin.

2.  Ngadoni Bahan

o    Parutan pohong dicampur karo gula, uyah, lan vanili supaya wangi.

o    Adonan banjur dipérang dadi patang bagian: siji tetep putih, sing telu saben bagian  diwernani beda-beda; ana abang, ijo, lan kuning.

3.  Mbentuk adonan dadi bola-bola

o    Adonan dibentuk bunder cilik sakgedhene bal bekel.

o    Banjur dicemplungaké ing banyu umep nganti mateng lan ngambang (kurang luwih 5 menit).

4.  Ngabari Klapa Parut

o    Bola-bola sing wis mateng dientas, banjur digulingaké ing klapa parut enom sing wis dikukus lan diwènèhi uyah sithik supaya rasane luwih gurih.

o    Klapa sing dikukus uga njaga supaya ora gampang mambu.

5.  Penyajian

o    Bola-bola sing wes mateng banjur disunduk nganggo sunduk sate utawa sada. 

o    Sunduk urut siap disajèkaké ing piring, utawa yen arep didol bisa dibungkus nganggo plastik utawa godhong supaya resik lan ora dirubung laler.

Rasa lan Keunikan

Rasa sunduk urut pancèn ora iso dilalekaké;  legi saka gula, gurih legit saka klapa parut, lan wangi khas saka vanili. Sapa wae sing tau mangan jajanan iki mesthi kepengin nyoba maneh amarga rasa lan teksturé sing unik.

Dadi, sunduk urut iku jajanan ndesa saka pohong parut sing digodhog, dibentuk bunder, banjur disajèkaké nganggo tusuk lan klapa parut. Jajanan iki ora mung enak, nanging uga minangka warisan kuliner tradisional sing kudu dilestarèkaké.

#Mending nulis tinimbang nganggur# Guru SMAMPOR usil tangane

Komentar

  1. amira tabina26 Agustus 2025 pukul 19.34

    Keren ma...

    BalasHapus
    Balasan
    1. sitimaimunah26 Agustus 2025 pukul 23.45

      Alhamdulillah, mksh mbk...ditunggu hsl karya mbk amira yang sdh pasti jauh lbh keren

      Hapus
  2. sitimaimunah27 Agustus 2025 pukul 03.49

    Lha kae bunda lia kah.. Wkwkwk... Kirain mbk amira kls x

    BalasHapus

Posting Komentar

Postingan populer dari blog ini

Aksara Jawa

Oleh
AKSARA JAWA 1. TEKS BERAKSARA JAWA Aksara Jawa minangka sawijining tilaran budaya kang ora bisa diukur regane. Wujud aksara Jawa lan seni panggawene uga dadi sawijine tetilaran kang pantes dilestarekake. Ora mung ing Jawa, aksara Jawa iku uga digunakake ing tlatah Sunda lan Bali, sanajan pancen ana bedane. Nanging aksara Jawa digunakake saemper. Lumrahe aksara Jawa kang disinau iku cacahe ana rong puluh aksara, ana kang ngarani aksara Legena. Aksara Jawa wis oleh pranyatan resmi saka Unicode, lembaga ing sangisore UNESCO. Pranyatan iki diwenehake nalika tanggal 2 Oktober 2009, lan diparingake sawise Ki Demang Sokowaten ing tanggal 9 September 2007 ndhaftar menyang Unicode. Maca wacan kang tinulis aksara Jawa iku kawitan saka ngreteni aksara Jawa, pasangan, lan sandhanganne. Mula saka iku sadurunge putra siswa diparingi materi kang gegayutan karo maca aksara Jawa. Aksara Jawa k n c r k f t s w l p d ...
Posting Komentar
Baca selengkapnya

artikel

Oleh
1.       Struktur artikel Artikel kasusun saka kadadeyan kang misuwur ing tlatah, banjur dikawitake karo aturan kang ana. Biyasane tulisan artikel isine bab opini panulis kang medharake sawijining prakara tartamtu sing asipat actual lan tarkadhang controversial kanthi tujuwan kanggo menehi pangerten (informative), persuasive, argumentative, lang panglipur kanggo pamaca. Struktur artikel: a.        Judul minangka wakil saka tema kang bakal diandharake b.       Pambuka medharake pokok pikiran kang utama kang bakal dipertahanake c.        Penjelas ngandharake saka pokok pikiran utama dadi pikiran penunjang. Saben pokok pikiran penunjang kasebut digawe ing saben pada. Saben pada   dihubungake kanthi jembatan pikiran sing kuat. Hubungan antarane pada bisa asipat; kronologis (wektu), spasial (ruang), kausalitas ( sebab akibat) d.       Pa...
Posting Komentar
Baca selengkapnya

Cerkak "Tuwuhing Katresnan ing Mangsa Rendheng"

Oleh
Julia bocah wadon saka Desa Pandan dikenal minangka bocah kang nyemanak tumrap tangga-tanggane. Kabeh nduweni penilaian yen Yulia kuwi apikan, seneng weweh, lan ora pilih-pilih kanca. Senadjan dheweke calon dokter, ayu, pinter, lan saka keluarga sing sugih nanging ora sombong. Saben bocah lanang sing kenal Yulia, mesthi  kesengsem.  Saiki wis molai mangsa rendheng. Sabendina udan ora ana lerene. Ing salah sawijining dina, sore meh maghrib Yulia siyap-siyap mangkat menyang masjid. Amarga isih grimis dheweke ora ndang menyang. Grimise saya suwe saya gedhe-gedhe. Wektu iku dheweke lungguhan ing kursi teras omahe sinambi ngenteni udan terang. Tinimbang mung meneng, Qur'an kang diwadahi tas ditokake lan diwaca. Suarane nyaring banget. Ora nggumun, pancen keluargane turunan penyanyi langgam Jawa lan pinter qiro'ah. Lan dheweke tau dadi  juara qiro'ah ing Kecamatan Gentengkali nalika isih SMP biyen. Maca durung tutug, ujug-ujug ana wong uluk salam butuhe melu ngayup, "Assalam...
Posting Komentar
Baca selengkapnya